ದೇಹದ ಹೊರಗಿರುವಂತಹ ಅಂಗಾಂಗಗಳಿಗೆ ನಾವು ಹೆಚ್ಚಿನ ಆರೈಕೆ ಮಾಡುತ್ತಾರೆ. ಚರ್ಮದಲ್ಲಿ ಸ್ವಲ್ಪ ಗಾಯವಾದರೂ ಸಾಕು, ಮುಲಾಮು ಹಚ್ಚಿ, ಗಾಯ ಬೇಗನೇ ಗುಣವಾಗುವ ಹಾಗೆ ನೋಡಿಕೊಳ್ಳುತ್ತೇವೆ. ಅದೇ ದೇಹದೊಳಗೆ ಇರುವಂತಹ ಪ್ರಮುಖ ಅಂಗಾಂಗಗಳ ಆರೋಗ್ಯವನ್ನು ಕಡೆಗಣಿ ಸುತ್ತೇವೆ! ಆದರೆ ಇದೇ ನಿರ್ಲಕ್ಷ್ಯದಿಂದ, ಕೊನೆಗೆ ಹಾಸಿಗೆಯಲ್ಲಿ ಮಲಗಬೇಕಾದ ಪರಿಸ್ಥಿತಿ ಬಂದೊದಗುತ್ತದೆ.
ಹೀಗಾಗಿ ಆರೋಗ್ಯಕರ ಜೀವನಶೈಲಿ ಹಾಗೂ ಆಹಾರಕ್ರಮವನ್ನು ಪಾಲಿಸಿಕೊಂಡು ಹೋಗಬೇಕು. ಕೆಲವೊಮ್ಮೆ ನಾವು ಸೇವಿಸುವಂತಹ ಆಹಾರವು ಆರೋಗ್ಯವಾಗಿದ್ದರೂ, ನಾವು ಅನುಸರಿಸುತ್ತಿರುವ ಜೀವನಶೈಲಿಯಿಂದಾಗಿ ಕೆಲವೊಂದು ಸಲ ಕಿಡ್ನಿಯಲ್ಲಿ ಕಲ್ಲಿನ ಸಮಸ್ಯೆ ಉಂಟಾಗುವ ಸಾಧ್ಯತೆ ಇರುತ್ತದೆ.
ಕಿಡ್ನಿಗಳಲ್ಲಿ ಕಂಡು ಬರುವ ವಿಷಕಾರಿ ಅಂಶಗಳು
ನಮಗೆಲ್ಲಾ ಗೊತ್ತಿರುವ ಹಾಗೆ, ಕಿಡ್ನಿಗಳಲ್ಲಿ ನಮ್ಮ ದೇಹ ದಿಂದ ಹೊರ ಹೋಗಬೇಕಾದ ವಿಷಕಾರಿ ಅಂಶಗಳು ಸಂಸ್ಕರಣೆಯಾಗಿ ಮೂತ್ರ ವಿಸರ್ಜನೆಯ ಮೂಲಕ ಹೊರಗೆ ಹೋಗುತ್ತವೆ.
ದಿನದ 24 ಗಂಟೆ ಕೂಡ ಇವುಗಳು ಇದೇ ಕೆಲಸದಲ್ಲಿ ನಿರತವಾಗಿರುತ್ತವೆ. ಆದರೆ ನಾವು ಅನುಸರಿಸುತ್ತಿರುವ ಕೆಟ್ಟ ಜೀವನಶೈಲಿ ಹಾಗೂ ಆಹಾರಪದ್ಧತಿಯಿಂದಾಗಿ, ಕಿಡ್ನಿಗಳಲ್ಲಿ ಕಲ್ಲುಗಳು ರೂಪುಗೊಂಡು, ಕಿಡ್ನಿಗಳಿಗೆ ಸಮಸ್ಯೆ ತಂದೊಡ್ಡುತ್ತದೆ.
ಕಿಡ್ನಿ ಸಮಸ್ಯೆ ಕಾಡವುದು ಇದೇ ಕಾರಣಗಳಿಂದಲೇ ಜೋಪಾನ!
ಕಿಡ್ನಿಕಲ್ಲು ಅಥವಾ ಕಿಡ್ನಿ ಸ್ಟೋನ್ ಎಂದರೆ ಏನು?
ಕಿಡ್ನಿಕಲ್ಲು ಎಂದರೆ ನಾವು ಸೇವಿಸುವ ಆಹಾರಗಳಿಂದ ಸಿಗುವ ಖನಿಜಾಂಶ, ಕ್ಯಾಲ್ಸಿಯಂ, ಯೂರಿಕ್ ಆಮ್ಲದಿಂದ ಉಂಟಾಗಿರು ವಂತಹ ಉಪ್ಪಿನಾಂಶ, ಮೂತ್ರಕೋಶದಲ್ಲಿ ಜಮೆ ಆಗಿದ್ದರೆ ಕಿಡ್ನಿಯಲ್ಲಿ ಕಲ್ಲು ನಿರ್ಮಾಣವಾಗು ವುದು.ಇವುಗಳು ನಮ್ಮ ದೇಹದಿಂದ ಹೊರಹೋಗದೆ ಕಿಡ್ನಿ ಗಳಲ್ಲಿ ಶೇಖರಣೆಯಾಗಿ, ಆರೋಗ್ಯ ಸಮಸ್ಯೆಗಳಿಗೆ ಕಾರಣ ವಾಗಿ ಬಿಡುತ್ತದೆ.ಇನ್ನು ಕಿಡ್ನಿಗಳಲ್ಲಿ ಕಲ್ಲುಗಳು ಉಂಟಾದ ನಂತರದಲ್ಲಿ, ದೇಹದಲ್ಲಿ ಅನೇಕ ರೀತಿಯಲ್ಲಿ ಬದಲಾವಣೆಗಳು ಕಂಡ ಬರುತ್ತದೆ. ಅವುಗಳಲ್ಲಿ ಬಹಳ ನೋವುದಾಯಕವಾದ ಲಕ್ಷಣಗಳೇ ಹೆಚ್ಚು!ಇಂದಿನ ಲೇಖನದಲ್ಲಿ ಕಿಡ್ನಿಗಳಲ್ಲಿ ಕಿಡ್ನಿಗಳಲ್ಲಿ ಕಲ್ಲು ಗಳು ಉಂಟಾದಾಗ, ದೇಹದಲ್ಲಿ ಏನೆಲ್ಲಾ ಲಕ್ಷಣಗಳು ಕಂಡು ಬರುತ್ತದೆ ಎನ್ನುವುದನ್ನು ನೋಡೋಣ…
ಸೊಂಟದ ಹತ್ತಿರ ತಡೆದುಕೊಳ್ಳಲಾಗದ ನೋವು ಕಾಣಿಸಿಕೊಳ್ಳುವುದು
ಕಿಡ್ನಿಗಳಲ್ಲಿ ಕಲ್ಲುಗಳು ಕಾಣಿಸಿಕೊಂಡರೆ, ಬೆನ್ನಿನ ಕೆಳ ಭಾಗದಲ್ಲಿ ಅಥವಾ ಸೊಂಟದ ಹತ್ತಿರ ವಿಪರೀತ ನೋವು ಕಾಣಿಸಿಕೊಳ್ಳಲು ಶುರುವಾಗುತ್ತದೆ. ಇನ್ನೂ ಕೆಲವರಿಗೆ ಆಗಾಗ ಹೊಟ್ಟೆ ನೋವು ಕಾಣಿಸಿಕೊಳ್ಳುವುದು.ಈ ನೋವು ಹೇಗಿರುತ್ತದೆ ಎಂದರೆ, ಕುಳಿತು ಕೊಳ್ಳಲು ಆಗದೆ, ಎದ್ದು ಓಡಾಡಲು ಆಗದಂತ ಪರಿಸ್ಥಿತಿ ಎದುರಾ ಗುತ್ತದೆ. ಈ ನೋವು ಕೆಲವರಿಗೆ ಆಗಾಗ ಬಂದು ಹೋದರೆ, ಇನ್ನು ಕೆಲವರಿಗೆ ಒಂದೇ ಸಮನೆ ಎದುರು ಆಗುತ್ತಲೇ ಇರುತ್ತದೆ. ಒಂದು ವೇಳೆ ಈ ಲಕ್ಷಣಗಳು ಕಂಡು ಬಂದರೆ, ಕೂಡಲೇ ವೈದ್ಯರ ಬಳಿ ಪರೀಕ್ಷೆ ಮಾಡಿಸಿಕೊಳ್ಳಿ.
ಮೂತ್ರ ಮಾಡುವಾಗ ಉರಿ ಕಾಣಿಸಿಕೊಳ್ಳುವುದು
ಕಿಡ್ನಿಗಳು ಸರಿಯಾಗಿ ಕೆಲಸ ಮಾಡಿದರೆ ಸರಾಗವಾಗಿ ಮೂತ್ರ ವಿಸರ್ಜನೆ ಆಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಇದಕ್ಕೆ ಮುಖ್ಯ ಕಾರಣ ನಮ್ಮ ದೇಹದಿಂದ ವಿಷಕಾರಿ ಅಂಶಗಳು ಹೊರ ಹೋಗುತ್ತವೆ.ಆದರೆ ಕಿಡ್ನಿಯಲ್ಲಿ ಸಮಸ್ಯೆಗಳು, ಕಂಡು ಬಂದಾಗ, ಅಥವಾ ಕಿಡ್ನಿಯಲ್ಲಿ ಕಲ್ಲು ಉಂಟಾದಾಗ, ಮೂತ್ರ ತುಂಬಾ ಗಾಢವಾದ ಬಣ್ಣವನ್ನು ಹೊಂದಿರುವುದು ಅಥವಾ ಮೂತ್ರ ವಿಸರ್ಜನೆ ಮಾಡಬೇಕು ಅನಿಸಿದರೂ, ಕೂಡ ಮೂತ್ರ ಮಾಡಲಾಗದೇ ಇರುವುದು, ಇನ್ನೂ ಕೆಲ ವರಿಗೆ ಮೂತ್ರ ವಿಸರ್ಜನೆ ಸಂದರ್ಭದಲ್ಲಿ ಉರಿ ಕಾಣಿಸಿ ಕೊಳ್ಳುವ ಸಮಸ್ಯೆ ಕೂಡ ಕಂಡು ಬರುತ್ತದೆ.
ಮೂತ್ರದ ಬಣ್ಣ ಬದಲಾಗುತ್ತದೆ
ಸಾಮಾನ್ಯವಾಗಿ, ಯಾವುದಾದರು, ಆರೋಗ್ಯ ಸಮಸ್ಯೆ ಗಳಿಗೆ ಔಷಧಿಗಳನ್ನು ಹೆಚ್ಚಾಗಿ ತೆಗೆದು ಕೊಳ್ಳುತ್ತಿದ್ದರೆ ಹಾಗೂ ಸರಿಯಾಗಿ ನೀರು ಕುಡಿಯದೇ ಇದ್ದಾಗ, ಆಗ ಮೂತ್ರದ ಬಣ್ಣ ಹಳದಿಯಾಗುತ್ತದೆ.ಆದರೆ ಕಿಡ್ನಿಗಳಲ್ಲಿ ಕಲ್ಲುಗಳು, ಉಂಟಾದಾಗ ಕೂಡ ಮೂತ್ರದ ಬಣ್ಣ ತುಂಬಾ ಗಾಢವಾಗಿ ಬದಲಾಗುತ್ತದೆ ಮತ್ತು ಕೆಲವೊಮ್ಮೆ ಗಾಢ ಹಳದಿ ಬಣ್ಣದಲ್ಲಿಯೂ ಕೂಡ ಕಂಡು ಬರುತ್ತದೆ.
