ಕಂಕುಳಿನ ಮೊಡವೆಗಳಿಗೆ ಮನೆಮದ್ದು!

0 2,348

ನಮ್ಮ ದೇಹದ ಸ್ವಚ್ಛತೆ ನಮ್ಮ ಮೊದಲ ಆದ್ಯತೆಯಾಗಬೇಕು. ಇದರಲ್ಲಿ ನಾವು ಮೈ ಮರೆತರೆ ಆರೋಗ್ಯಕ್ಕೆ ಅಪಾಯ ಖಂಡಿತ. ಪ್ರತಿ ದಿನ ಸ್ನಾನ ಮಾಡುವ ಅಭ್ಯಾಸವನ್ನು ಇಟ್ಟುಕೊಳ್ಳಬೇಕು. ಸುಗಂಧ ದ್ರವ್ಯಗಳ ಬಳಕೆಯನ್ನು ಕಡಿಮೆ ಮಾಡಿಕೊಳ್ಳಬೇಕು. ಉತ್ತಮವಾದ ಆಹಾರ ಪದ್ಧತಿ ಮತ್ತು ವ್ಯಾಯಾಮವನ್ನು ಮೈಗೂಡಿಸಿಕೊಂಡು ಅತ್ಯುತ್ತಮವಾದ ಜೀವನ ಶೈಲಿಯನ್ನು ಹೊಂದಿರಬೇಕು.

ನಾವು ಸ್ನಾನ ಮಾಡುವಾಗ ಕಂಕುಳಿನ ಕೆಳಭಾಗವನ್ನು ಚೆನ್ನಾಗಿ ಸ್ವಚ್ಛ ಮಾಡಿಕೊಳ್ಳಲು ಮುಂದಾಗಬೇಕು. ಅದು ಕೂಡ ಆರೋಗ್ಯಕರವಾದ ಮತ್ತು ಚರ್ಮ ಸ್ನೇಹಿಯಾದ ಸಾಬೂನು ಬಳಕೆ ಮಾಡುವುದರಿಂದ. ಇದು ಮುಂಬರುವ ದಿನಗಳಲ್ಲಿ ಕಂಕುಳಿನ ಭಾಗದಲ್ಲಿ ಗುಳ್ಳೆಗಳು ಉಂಟಾಗದಂತೆ ನೋಡಿಕೊಳ್ಳುತ್ತದೆ.

ಒಂದು ವೇಳೆ ಅಪ್ಪಿ ತಪ್ಪಿ ಈಗಾಗಲೇ ನಿಮ್ಮ ಕಂಕುಳಿನ ಭಾಗದಲ್ಲಿ ಗುಳ್ಳೆಗಳು ಉಂಟಾಗಿದ್ದರೆ, ಈ ಕೆಳಗಿನ ಅತ್ಯುತ್ತಮವಾದ ಮನೆ ಮದ್ದುಗಳು ನಿಮಗೆ ಉತ್ತಮ ಪರಿಹಾರವನ್ನು ಒದಗಿಸುತ್ತವೆ. ಈಗ ಅವುಗಳನ್ನು ಒಂದೊಂದಾಗಿ ನೋಡೋಣ….

​ಗ್ರೀನ್ ಟೀ

ಗ್ರೀನ್ ಟೀ ತನ್ನಲ್ಲಿ ಮೊಡವೆಗಳ ವಿರುದ್ಧ ಹೋರಾಡುವ ಗುಣವನ್ನು ಒಳಗೊಂಡಿದೆ. ಏಕೆಂದರೆ ಇದರಲ್ಲಿ ಫ್ಲೇವನಾಯ್ಡ್ ಅಂಶಗಳು ಮತ್ತು ಟ್ಯಾನಿನ್ ಅಂಶಗಳ ಪ್ರಮಾಣ ಹೆಚ್ಚಾಗಿದ್ದು, ಮೊಡವೆ ಗುಳ್ಳೆಗಳಿಗೆ ಕಾರಣವಾಗುವ ಬ್ಯಾಕ್ಟೀರಿಯಾ ಗಳನ್ನು ಇವು ನಾಶಪಡಿಸುತ್ತವೆ.ಅಷ್ಟೇ ಅಲ್ಲದೆ ಉರಿಯೂತದ ಪ್ರಭಾವವನ್ನು ತಪ್ಪಿಸಿ, ಚರ್ಮದ ಭಾಗದಲ್ಲಿ ಮತ್ತೊಮ್ಮೆ ಮೊಡವೆಗಳು ಮೂಡಿ ಬರದಂತೆ ನೋಡಿಕೊಳ್ಳುತ್ತವೆ.

​ಇದನ್ನು ಬಳಕೆ ಮಾಡುವ ಸಲುವಾಗಿ ನಿಮಗೆ ಬೇಕಾಗಿರುವ ಸಾಮಗ್ರಿಗಳು

ಒಂದು ಗ್ರೀನ್ ಟೀ ಬ್ಯಾಗ್.ಅರ್ಧ ಕಪ್ ನೀರು.ಕೆಲವು ಹನಿಗಳಷ್ಟು ನಿಂಬೆಹಣ್ಣಿನ ರಸ.ಇದನ್ನು ತಯಾರುಮಾಡಿ ಬಳಕೆ ಮಾಡುವ ವಿಧಾನಮೊದಲಿಗೆ ಒಲೆಯ ಮೇಲೆ ಅರ್ಧ ಕಪ್ ನೀರನ್ನು ಚೆನ್ನಾಗಿ ಕುದಿಯಲು ಇಡಿ.ಈಗ ಇದಕ್ಕೆ ಗ್ರೀನ್ ಟೀ ಬ್ಯಾಗ್ ಹಾಕಿ ಮಿಶ್ರಣ ಮಾಡಿ.ನಂತರ ಪಾತ್ರೆಯನ್ನು ಕೆಳಗಿಳಿಸಿ ಸ್ವಲ್ಪ ಹೊತ್ತು ಆರಲು ಬಿಡಿ.ಆರಿದ ನಂತರ ಇದಕ್ಕೆ ನಿಂಬೆಹಣ್ಣಿನ ರಸವನ್ನು ಸ್ವಲ್ಪ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಈಗ ಒಂದು ಹತ್ತಿಯ ಉಂಡೆಯನ್ನು ತೆಗೆದುಕೊಂಡು ಈ ಮಿಶ್ರಣವನ್ನು ಅದರಲ್ಲಿ ಅದ್ದಿಕೊಂಡು ಕಂಕುಳಿನ ಭಾಗದಲ್ಲಿ ಉಂಟಾಗಿರುವ ಗುಳ್ಳೆಗಳ ಜಾಗದ ಮೇಲೆ ಸುಮಾರು ಐದು ನಿಮಿಷಗಳ ಕಾಲ ಚೆನ್ನಾಗಿ ಮಸಾಜ್ ಮಾಡಿ.ಒಂದು ಒಣಗಿದ ಟಿಶ್ಯು ಪೇಪರ್ ಇದ್ದರೆ ಅದರಿಂದ ಆನಂತರದಲ್ಲಿ ಒರೆಸಿಕೊಳ್ಳಿ. ದಿನಕ್ಕೆ ಮೂರು ಬಾರಿ ಈ ರೀತಿ ಮಾಡುವುದರಿಂದ ನಿಮಗೆ ಅತ್ಯುತ್ತಮ ಪ್ರಯೋಜನಗಳು ಸಿಗುತ್ತವೆ.

​ಅಲೋವೆರಾ ಮತ್ತು ರೋಸ್ ವಾಟರ್ ಪ್ರಯೋಗ

ಮೊಡವೆಗಳನ್ನು ಉಂಟು ಮಾಡುವ ಬ್ಯಾಕ್ಟೀರಿಯಾಗಳಿಗೆ ಅಲೋವೆರಾ ರಾಮಬಾಣ. ಮುಖ್ಯವಾಗಿ ಇದರಲ್ಲಿ ಸಲ್ಫರ್ ಮತ್ತು ಸ್ಯಾಲಿಸಿಲಿಕ್ ಆಮ್ಲದ ಪ್ರಮಾಣ ಹೆಚ್ಚಾಗಿದೆ.ವಿವಿಧ ಅಧ್ಯಯನಗಳು ಹೇಳುವ ಹಾಗೆ ಸ್ಯಾಲಿಸಿಲಿಕ್ ಆಮ್ಲ ಮೊಡವೆಗಳ ನಿವಾರಣೆಯಲ್ಲಿ ಮುಂಚೂಣಿಯ ಪಾತ್ರವನ್ನು ವಹಿಸುತ್ತದೆ.

ಇದಕ್ಕಾಗಿ ನಮಗೆ ಬೇಕಾಗಿರುವ ಸಾಮಗ್ರಿಗಳು

ಸುಮಾರು ಎರಡು ಟೇಬಲ್ ಚಮಚ ಅಲೋವೆರಾ ಜೆಲ್,ಒಂದು ಟೇಬಲ್ ಚಮಚ ರೋಸ್ ವಾಟರ್,ಇದನ್ನು ಬಳಕೆ ಮಾಡುವ ವಿಧಾನ.ಹೀಗೆ ಒಂದು ಅಲೋವೆರಾ ಎಲೆಯನ್ನು ತೆಗೆದುಕೊಂಡು ಅದರಿಂದ ಅಲೋವೆರಾ ಜೆಲ್ ಬೇರ್ಪಡಿಸಿಕೊಳ್ಳಿ.

ಒಂದು ಸ್ವಚ್ಛವಾದ ಬಟ್ಟಲು ತೆಗೆದುಕೊಂಡು ಅದಕ್ಕೆ ಬೇರ್ಪಡಿಸಿಕೊಂಡ ಅಲೋವೆರಾ ಜೆಲ್ ಮತ್ತು ರೋಸ್ ವಾಟರ್ ಹಾಕಿ ಮಿಶ್ರಣ ಮಾಡಿ ಪೇಸ್ಟ್ ರೀತಿ ತಯಾರು ಮಾಡಿಕೊಳ್ಳಿ.ಮೊಡವೆ ಗುಳ್ಳೆಗಳು ಕಂಡುಬರುವ ಕಂಕುಳಿನ ಭಾಗಕ್ಕೆ ಇದನ್ನು ಅನ್ವಯಿಸಿ ಸುಮಾರು ಐದು ನಿಮಿಷಗಳ ಕಾಲ ಚೆನ್ನಾಗಿ ಮಸಾಜ್ ಮಾಡಿ.

ಆನಂತರ ಸುಮಾರು ಹತ್ತು ನಿಮಿಷಗಳು ಇದನ್ನು ಹಾಗೆ ಇರಲು ಬಿಡಿ.

ಈಗ ಕಂಕುಳಿನ ಭಾಗವನ್ನು ನೀರಿನಿಂದ ಸ್ವಚ್ಛ ಮಾಡಿಕೊಂಡು 1 ಕಾಟನ್ ಟವಲ್ ನಿಂದ ಒರೆಸಿಕೊಳ್ಳಿ. ವಾರದಲ್ಲಿ ಎರಡು ಬಾರಿ ಈ ರೀತಿ ಮಾಡಿದರೆ ಉತ್ತಮ ಪರಿಹಾರ ನಿಮ್ಮದಾಗುತ್ತದೆ.

​ಆಪಲ್ ಸೈಡರ್ ವಿನೆಗರ್

ಆಪಲ್ ಸೈಡರ್ ವಿನೆಗರ್ ತನ್ನಲ್ಲಿ ಹೆಚ್ಚಿನ ಪ್ರಮಾಣದ ಬ್ಯಾಕ್ಟೀರಿಯಾ ಮತ್ತು ವೈರಸ್ ಗಳನ್ನು ಒಳಗೊಂಡಿದೆ. ಮುಖ್ಯವಾಗಿ ಉರಿಯೂತವನ್ನು ಕಡಿಮೆ ಮಾಡುವ ಜೊತೆಗೆ ಮೊಡವೆಗಳಿಂದ ಉಂಟಾದ ಮಚ್ಚೆಗಳನ್ನು ಸಹ ಪರಿಹಾರ ಮಾಡುತ್ತವೆ.

​ಇದಕ್ಕಾಗಿ ನಿಮಗೆ ಬೇಕಾಗಿರುವ ಪದಾರ್ಥಗಳು

1 ಟೇಬಲ್ ಚಮಚ ಆಪಲ್ ಸೈಡರ್ ವಿನಿಗರ್,ಎರಡು ಟೇಬಲ್ ಚಮಚ ನೀರು,ಇದನ್ನು ತಯಾರು ಮಾಡುವ ವಿಧಾನ,ಮೊದಲಿಗೆ ಒಂದು ಬಟ್ಟಲು ತೆಗೆದುಕೊಂಡು ಅದರಲ್ಲಿ ನೀರು ಸೇರಿಸಿ ಆಪಲ್ ಸೈಡರ್ ವಿನಿಗರ್ ಚೆನ್ನಾಗಿ ಮಿಶ್ರಣ ಮಾಡಿ.,ಒಂದು ಹತ್ತಿಯ ಉಂಡೆಯನ್ನು ತೆಗೆದುಕೊಂಡು ಈ ಮಿಶ್ರಣದಲ್ಲಿ ಅದ್ದಿ ಅದನ್ನು ನಿಮ್ಮ ಕಂಕುಳಿನ ಕೆಳಭಾಗದಲ್ಲಿ ಅನ್ವಯಿಸಿ.,ಸುಮಾರು 3 ರಿಂದ 5 ನಿಮಿಷಗಳು ಇದನ್ನು ಹಾಗೇ ಇರಲು ಬಿಡಿ.

ನಂತರ ಒಂದು ಒಣಗಿದ ಟವೆಲ್ ತೆಗೆದುಕೊಂಡು ಇದನ್ನು ಒರೆಸಿಕೊಳ್ಳಿ.ಪ್ರತಿ ದಿನ ಒಂದು ಬಾರಿ ಅಥವಾ ಎರಡು ಬಾರಿ ಈ ರೀತಿ ಮಾಡುವುದರಿಂದ ಕಂಕುಳಿನ ಭಾಗದ ಮೊಡವೆಗಳ ಸಮಸ್ಯೆಯಿಂದ ಮುಕ್ತಿ ಪಡೆದುಕೊಳ್ಳಬಹುದು.

Leave A Reply

Your email address will not be published.